“Nuk kam ardhur për turizëm”, ishte “kërcënimi” që Shaqiri bëri kur erdhi te Liverpuli, si për të treguar se pavarësisht konkurrencës së fortë që ka me lojtarët e tjerë, ai do të jepte gjithçka për ta nisur nga minuta e parë.
Disa herë i ka dhënë hapësira Klop futbollistit shqiptar, ndërsa ky i fundit e ka shfrytëzuar në të gjitha rastet besimin e trajnerit. Tani është momenti më i mirë që Shaqiri të rikthehet në formacion për disa kohë. Salah ka pësuar një dëmtim dhe nuk mund të luajë për klubin anglez.
Në kushte të tilla, Shaqiri është kandidati kryesor për të marrë vendin e yllit egjiptian, nisur kjo edhe nga vetë dëshira e tifozëve të klubit anglez. /Shqiperia.ch/