Fulhami është hedhur në merkato për të marrë shërbimet e futbollistit të Kosovës, Elbasan Rashanit. Ky i fundit nuk njihet shumë për zhurmën mediatike, megjithatë do të merrte vëmendjen e të gjithëve falë golit të fitores që realizoi ndaj Bullgarisë.
Ekipi londinez ka bërë edhe një ofertë konkrete, teksa ofron 500 mijë euro për të marrë në Angli lojtarin 26-vjeçar që luan me Odd në Norevegji. Për momentin është ende herët për të folur rreth shanseve që kjo marrëveshje të mbyllet, por Rashani e thotë hapur dhe pa asnjë diplomaci për “Indeksionline” që do të transferohet në një skuadër tjetër gjatë kësaj merkato: “Normale që ka mundësi për t’u transferuar, nuk kam shumë informacione. Menaxheri im është ai që punon për këto gjëra dhe tani jemi duke pritur”, ka thënë Rashani. /Shqiperia.ch/