Ditën e sotme përfaqësuesja e Kosovës do të ngrejë siparin e saj për eliminatoret e kampionatit europian, teksa do të pres në shtepi Bullgarinë. Kjo sfidë do të luhet këtë mbrëmje në orën 20:45 në stadiumin e kryeqytetit të Prishtinës, “Fadil Vokrri”.
Në këtë ndeshje pritet të jenë prezent edhe tifozët bullgar, ku është raportuar shifra zyrtare e tyre prej 221 sportdashësve, që do të jenë të pranishëm në stadium, për të ndjekur këtë ndeshje. Mesa duket kjo shifër është disi jashtë pritshmërive, pasi nga Federata Bullgare e Futbollit priste që të kishte më shumë tifozë të pranishëm në Prishtinë për të ndjekur ekipin e tyre Kombëtar.
Kujtojmë që vetëm një ditë më parë, po ky insitutcion i bënte thirrje tifozëve të tyre që të mos largoheshin shumë nga qyteti dhe nuk duhet të dalin nga shtëpia, pasi Kosova cilësohej si një vend në rrezik, nisur nga vitet e luftës.
Tashmë dardanasit nuk duhet të mendojnë vetëm për fushën e lojës, por edhe të “pastrojnë” imazhin e tyre nga këto lloj pseudo njoftimesh që bëhen në drejtim të tyre. Këtë mbrëmje është mundësia më e mirë për të arritur këtë objektiv dhe ti “mbush mendjen” shteteve të tjera, që dardanasit janë një popull i lirë dhe sovran, ashtu siç edhe çdo vend tjetër në botë./Shqiperia.ch/