Napoli ka transferuar zyrtarisht talentin shqiptar, Elif Elmas. I dalë nga skuadra e Rabotnickit në Maqedoninë e Veriut, mesfushori 19-vjeçar bëri bujë të madhe me Fenerbaçen.

Pas një sezoni fantastik ku arriti të shënonte edhe 4 gola, shumë skuadra të mëdha u futën në garë për të marrë shërbimet e tij. Fillimisht pritej transferimi te Interi, por do të ishte Napoli që mori të drejtën e kartonit të Elmas me 16 milionë euro.

Fenerbaçe e ka bërë zyrtare ndarjen duke u shprehur se mesfushori i tyre është nisur drejt Italisë, me mediat fqinje që nxjerrin edhe raportimet e para se lojtari shqiptar po kryen testet mjekësore te Napoli. Megjithatë duhet theksuar se Elmas përfaqëson Maqedoninë e Veriut sa i përket Kombëtares. /Shqiperia.ch/

Nëse e vlerësoni punën e “Shqiperia.ch” si media e vetme e përkushtuar me lojtarët e Kombëtares dhe sportistët shqiptarë, mund të kontribuoni për zgjerimin e projektit dhe vazhdimësinë tonë në të ardhmen.