Lacio humbi një takim shumë të rëndësishëm në kampionatin italian, pasi nuk arriti të dilte me pikë në transfertën e SPAL-it. Në një kohë që shumë ekipe janë në vallen e “Championsit”, fitorja ishte një detyrim për lacialët.
Por nga stadiumi i SPAL, djemtë e Inzagit do të dilnin të humbur me rezultatin 1-0. Takimi u vendos nga një penallti në minutën e fundit, që u ekzekutua në mënyrën më të mirë nga Petanja. Një tjetër ndeshje fantastike e Strakoshës, që sipas mediave italiane ishte më i miri në fushë për miqtë.
Padyshim që lacialët duhet të ndezin qirinjtë dhe të luten për portierin shqiptar, pasi në të kundërt statistikat do të ishin edhe më keq për ta. Vendimtar në shumë raste ishte për Lacion gardiani i Kombëtares, por nuk mund të bëj gjëra mbinatyrore, pasi goli duhet të shënohet nga lojtarët e tjerë në fushë. /Shqiperia.ch/