Xherdan Shaqiri erdhi me një bujë të madhe te Liverpuli, duke shënuar gjithmonë me ekipin anglez dhe duke fituar dashurinë e tifozëve. Megjithatë vështirësitë do të vinin dhe Klop po e mbante gjithmonë në stol këtë futbollist.
Tifozët do t’i kundërviheshin në shumë raste, por në ato pak minuta kur Shaqiri aktivizohej, nuk realizoi ndonjë nga çmenduritë e zakonshme. Në mbrëmjen e sotme ky futbollist është ringjallur në momentin dhe vendin e duhur.
Liverpuli ka mposhtur në fund me shumë vështirësi Njukasëll në shifrat 2-3. Goli i fundit dhe i fitores do të vinte pas krosimit fantastik të Shaqirit, që e mban në vallen e titullit Liverpulin, kur kanë mbetur edhe pak nga fundi i kampionatit. /Shqiperia.ch/