Chelsea U-23 është duke vazhduar përgatitjet për sezonin e ri, ndërsa në ditën e djeshme ka bërë një fitore spektakolare ndaj Newport duke ia dalë në shifrat 6-1.
Mes golashënuesve të shumtë të londinezve ishte edhe Armando Broja. Sulmuesi i Shqipërisë hyri në fushën e lojës në minutën e 76, duke lënë menjëherë gjurmë. Nuk duheshin shumë minuta, madje vetëm 60 sekonda që Broja të tundte rrjetën.
Këtë herë ishte goli që e gjeti sulmuesin shqiptar, teksa pas goditjes së shtyllës nga ana e shokut të skuadrës, Billy Gilmour, Broja nuk e kishte të vështirë që të realizonte me portën e boshatisur. /Shqiperia.ch/