Wolfsburgu dhe Fenerbaçe do të përballen në ditën e sotme në një miqësore që pritet të zhvillohet në 18:30. Këtu do të kemi edhe një duel mes shqiptarëve, pasi nga njëra anë luan Elvis Rexhbecaj, ndërsa në tjetrën Vedat Muriqi.
Ky i fundit do të ketë edhe një mision të veçantë për Kosovën, përtej golave që kërkon të shënojë përgjatë kësaj ndeshje. Rexhbecaj është një nga lojtarët më shumë të diskutuar për t’iu bashkuar dardanëve, por ëndrra kryesore mbetet bashkimi me Gjermaninë. Një mundësi e mirë kjo për të besuar se zgjedhja e mesfushorit shqiptar do të ndërrojë brenda afatit të shtatorit ndikuar edhe nga këshillat e Muriqit, pasi sigurisht që ftesa nga “pancerat” është thuajse e pamundur për mesfushorin e Wolfsburgut. /Shqiperia.ch/