Sulmuesi i talentuar i Shqipërisë, Xhakomo Vrioni, u kthye te ekipi i Sampdorias për pak ditë pas një huazimi të përfunduar. Por hapësira në ekipin e Seria A nuk ekzistonte, prandaj mbërriti një tjetër huazim në drejtim të Serisë B.
Këtë herë me Citadelën, sulmuesi shqiptar do të kërkojë që të lërë gjurmë me ndeshjet e zhvilluara. Për këdo që i ka ndjekur takimet e Vrionit me Shqipërinë U-21, padyshim që flet për një lojtar me potencial të madh.
Këto lëvizje në klube ndoshta nuk janë ato që meritohen, por gjithsesi vetë sulmuesi nuk heq dorë nga Kombëtarja: “Jam shumë i lumtur për ekipin e ri dhe po punoj çdo ditë. Mbërrita këtu pasi trajneri po më kërkonte me ngulm dhe nuk hezitova për të pranuar. Sa i përket Kombëtares së Shqipërisë, do ta arrij atë duke bërë mirë me Citadelën”, ka thënë Vrioni. /Shqiperia.ch/