Duket se tashmë kanë ndryshuar gjërat përa i përket skuadrës së Hajdukut të Splitit, ku është pjesë edhe legjionari i Kombëtares, Ardian Ismajli së bashku me Hysen Memollën. Tashmë është bërë zyrtare se skuadra e Hajdukut ka shkëputur kontratën me trajnerin Zoran Vuliç, duke emëruar në krye pankinës trajnerin e ekipit të moshave Sinisa Orescain.
Ajo çfarë bie në sy është se me trajnerin e larguar, Ardian Ismajli po arrinte momentet më të mira, duke u rikthyer si i padiskutueshëm në ekipin kroat. Në sfidat e fundit që ka zhvilluar Hajduku, mbrojtësi i Kombëtares është aktivizuar rregullisht duke mbajtur për një kohë të gjatë fanellën e titullarit.
Gjithashtu Ismajli nën udhëheqjen e Vuliç është shndërruar në një mbrojtës të konsoliduar në fushën e blertë. Tashmë Ardiani nuk do ta udhëheqë më Vuliç pasi u shkarkua, por një njohje vjetër e lojtarit. Është pikërisht Sinisa Orescain, që gjatë kohës që drejtonte ekipin e dytë të Hajdukut të Splitit, gjithashtu kishte pjesë në ekipin e tij edhe mbrojtësin kuqezi. Ismajli tashmë do ta shohim në një tjetër përshtatje, pasi ende nuk dihet se çfarë mardhëniesh do të krijohet midis trajnerit të ri dhe futbollistit shqiptar. /Shqiperia.ch/