Ndonjëherë nuk është e nevojshme të flitet shumë, për faktet të cilat janë të qarta si drita e diellit. Milot Rashica është futbollisti shqiptar më i mirë i momentit, ndërsa goli dhe asist në takimi ndaj Bajernit i vuri kapakun kësaj historie.
Gjigandët gjermanë do të fitonin me rezultatin 2-3 në Kupë, por për dy minuta, do të ishte Rashica që me një gol dhe asist do ia bënte jetën më të vështirë bavarezëve. Pas kësaj ndeshje, edhe ekipet e njohura europiane do e hedhin më shumë vështrimi nga talenti i Kosovës.
Ndoshta që në këtë moment telefoni i menaxherit të Rashicës dhe legjendës së Shqipërisë, Altin Lalës, mund të jetë bllokuar nga telefonatat e shumta. Një nuhatje perfekte e këtij njeriu, që tregon klasin dhe saktësinë e tij edhe jashtë fushës së futbollit.
Besoj aq shumë te Rashica, ndërsa ky i fundit ia shpërbleu ndoshta edhe më tepër nga çfarë pritej. Nëse shohim pas në histori, atëherë sulmuesi shqiptar mund të përfundoj në “Premier League”. Madje për një gjë të tillë kanë shkruar vetë mediat e njohura angleze, që shprehin dashurinë e tyre për lojtarët më të mirë gjermanë, një lidhje që vazhdon prej kohësh.
Thuajse çdo “yll” si Rashica që lë gjurmë në “Bundesligë”, ka të njëjtin destinacion, “Premier League”. Rastet? Të pafundme! Më parë ka qënë Michael Ballack, Mesut Ozil, Per Mertescaker. Ndërsa aktualisht gjejmë emra si Leroi Sane, Ikai Gundogan, Roberto Firminjo apo edhe Heung-Min Son që luajnë në nivelet më të larta të futbollin anglez. /Klaudio Ndreca-Shqiperia.ch/