Lacio ka luajtur një miqësore ndaj Triestinës të cilën e fitoi me rezultatin 5-2. Një ndeshje të nivelit të lartë ka luajtur edhe talenti i ri që ka gjetur Igli Tare, Boby Adekanye.

I pandalshëm ishte me manovrat me topin, megjithëse nuk ishte kundërshtari më i mirë për të vendosur në provë vlerat e tij. Sinjali mbetet pozitiv, me drejtorin sportiv shqiptar që rrezikoi gjithçka vetëm për ta marrë nga të rinjtë e Liverpulit. Madje këta të fundit janë ankuar në FIFA për Taren, duke e quajtur si jashtë rregullave transferimin e Adekanye për mënyrën sesi iu mor nga Lacio, thuajse pa shpenzuar asnjë para. /Shqiperia.ch/

Nëse e vlerësoni punën e “Shqiperia.ch” si media e vetme e përkushtuar me lojtarët e Kombëtares dhe sportistët shqiptarë, mund të kontribuoni për zgjerimin e projektit dhe vazhdimësinë tonë në të ardhmen.