Erald Lakti pritej që t’i bashkangjitej ekipit të parë të Fiorentinës në sezonin e ardhshëm. Trajneri Montela e ka thirrur mesfushorin shqiptar në miqësoret parapërgatitore që ka zhvilluar gjatë këtyre kohëve, për ta parë më nga afër këtë futbollist.
Megjithatë vendimi i këtij tekniku dukej qartësisht edhe në këto përballje, ndërsa në ndeshjet delikate ndaj skuadrave me emër, Laktit nuk i është besuar më shumë se 20 minuta në fushën e lojës.
Sigurisht që flitet për një lojtar të jashtëzakonshëm dhe me kualitet të lartë, por që ka kohën përpara për të treguar aftësitë e tij. “Corriere dello Sport” raporton se Marco Meli dhe Erald Lakti do të huazohen në Serinë C te Gubbio, për të pasur më shumë minuta në këmbët e tyre. /Shqiperia.ch/