Një risi dhe vendim i ri nga ana e Federatës Kosovare të Futbollit, ishte shitja e biletave në versionin online. Të gjithë tifozët që do të ishin të interesuar për të ndjekur më nga afër takimin ndaj Maltës, do e merrnin biletën e tyre nëpërmjet internetit.
Në këtë mënyrë do të shmangeshin rradhët e tepërta, të gjithë tifozët do të kishin mundësi të barabarta për të siguruar hyrjen në stadium e jo vetëm qytetarët e vendeve kryesore në Kosovë. E mbi të gjitha, tregu i zi nuk kishte sesi të funksiononte. Por shqiptarët e gjejnë gjithmonë një mënyrë, ndërsa “Gazeta Olle” tregon sesi një person ka nxjerrë në shitje në një faqe shit-blerjesh, tre bileta me çmim të trefishuar.
E vështirë duhej të ishte, por shqiptarët e gjejnë gjithmonë një mënyrë për të dërguar deri në fund dëshirën e tyre. /Shqiperia.ch/