Si çdo muaj, edhe këtë herë FIFA ka bërë publike rënditjet e Kombëtareve në tabelën e përgjithshme të klasifikimit. Kuqezinjtë krahasuar me muajin e shkuar, renditen sërisht në të njëjtin vend, atë të 60.
Sfidat e Kombëtares tonë këtë muaj mund të themi se e kanë ndihmuar skuadrën e Panuçit që të mos humbë pozicione. Kujtojmë që me humbjen e thellë kundër Skocisë me rezultatin 4-0, Shqipëria rrezikonte të humbiste shumë pozicione në këtë renditje të përgjithshme. Ajo çka vihet re është që ekipi i Panuçit mundi të mbajë këtë vend nga fitorja që mori në miqësoren kundër Uellsit.
Përsa i përket përfaqësueses së Kosovës, me paraqitjet e bëra më përballjet e nëntorit atë kundër Maltës dhe Azerbajxhanit të vlefshme për “Ligën e Kombeve”, dardanët arritën të fitonin plot 6 pozicione. Në muajin e shkuar ata renditeshin në tabelën e klasifikimit në vendin e 137, ndërsa këtë herë janë të pozicionuar në atë të 131. Duket se pas kualifikimit historik në fazën pasardhëse në “Ligën e Kombeve”, skuadrës së Shaland po i vijnë frytet e para të punës. /Shqipiera.ch/