PSG do të përballet në transfertë ndaj Crevena Zvezdës, për të luajtur në takimin e vlefshëm për “Champions League”. Një vëmendje e madhe duhet të ketë ky takim për mënyrën e organizimit, pasi një përplasje pritet nga tifozeritë përkatëse.
Kjo ndodhi edhe në takimin e parë, teksa në Francë ishin tifozët serbë që u sulmuan dhe surprizuan nga vendasit. Paralajmërimet kanë ardhur, “ferri” duhet t’i pres 100-200 huliganët francezë që kanë zgjedhur të udhëtojnë në Beograd.
Në konferencën e sotme për shtyp, gazetari francez i “Mondo”, ka pyetur trajnerin e Crevena Zvezdës, që në Serbi është marrë si provokim: “Sa ka ndikuar te skuadra jote çështja e sigurisë? Sepse në Serbi dhe te Crevena Zvezda gjithmonë ndodhin sulme, kur ato janë të pritura”, tha gazetari duke iu referuar dhunës që vjen shpeshherë nga ky vend.
Trajneri i Crevenës ka refuzuar të përgjigjet, ndërsa në atë moment gazetari francez ka dalë menjëherë nga konferenca, duke bojkotuar vazhdimin e saj. /Shqiperia.ch/