E gjithë vëmendja kryesore e tifozëve anglezë, por edhe atyre europianë që e ndjekin “Premier League”, ishte drejtuar nga Chelsea-Manchester United. Qesharake dhe e pabesueshme duket, por nga vetë tifozët anglezë, më shumë vëmendje kishte takimi në të cilin luante edhe Bersant Celina, ai mes Aston Villës dhe Swansea.
Ndeshja e luajtur në “Championship”, përfundoi me rezultatin 1-0 në favor të vendasve, ndërsa të gjithë tifozët kishin “pushtuar” stadiumin. Në shifra zyrtare, flitej për 41.326 spektatorë të pranishëm në takimin e “Championship”, një numër ky më lartë edhe se takimi më i rëndësishëm i “Premier League”.
Kështu, ajo sfidë mes Chelsea dhe Manchester United, nuk i kaloi 40.721 spektatorë të pranishëm në stadium. Jemi duke folur për futbollin anglez, asgjë për t’u çuditur. Nivelet dhe kategoritë më të ulëta, ndonjëherë janë ato që tërheqin më shumë edhe sesa vetë elitaret. /Shqiperia.ch/