Partizani ka fituar Superioren këtë sezon, si në një përrallë të bukur. E kush do e mendonte se një gjë e tillë do të vinte në derbi me Tiranën? Ndoshta as në ëndrrën më të bukur.
Të kuqtë fituan në shifrat 2-1, falë dopietës së Cinarit. Pas këtij rezultati, Partizani është matematikisht kampion në futbollin shqiptar. Mëse e merituar, pasi ky klub nuk ka pasur asnjë luhatje gjatë sezonit.
Duartrokitje ka edhe për trajnerin Gega, që ka goditur me zgjedhjet e tij. Flasim për trajnerin që ka drejtuar më parë U-21 e Shqipërisë dhe mund të jetë në projeksionin e së ardhmes te Kombëtarja. Kjo formulë zbatohet në shumë vende të zhvilluara në futboll, teksa një trajner që shkëlqen dhe më parë ka drejtur moshat, merr edhe Kombëtaren A. /Shqiperia.ch/