Çmimi i biletave për ta ndjekur më nga afër miqësoren mes Feronikelit dhe Milanit që do të zhvillohet në muajin gusht, ishte padyshim i ekzagjeruar. Më e ulta do të jetë 35 euro, ndërsa shifra varion deri në 155 euro që është në tribunën VIP.
Duke parë pagesën që kanë të gjithë qytetarët në trevat shqiptare, për një ndeshje miqësore, sigurisht që është tepruar shumë me vlerësimin e biletave në këtë mënyrë. Reagimi dhe pakënaqësia është shfaqur edhe në faqen më të madhe të Milanit në trevat shqiptare, “AcMilanNews.com”.
Në një sondazh që kjo e fundit ka hapur për të parë sesa tifozë do të gjenden në stadium, pas daljes së çmimit të biletave, pjesa dërrmuese me 74% ka votuar për bojkotimin e kësaj përballje.(1 orë pas hapjes së sondazhit) /Shqiperia.ch/
