Nuk pret më shumë si analist, tashmë De Biazi është gati të marrë detyrën e re. Ish-trajneri i Kombëtares ka kaluar shumë kohë në emisione të ndryshme sportive, duke bërë analiza për kampionatet kryesore europiane.
Megjithatë detyra e tij është pankina dhe asaj pritet t’i rikthehet shumë shpejt. Sipas asaj që kanë raportuar mediat italiane në orët e fundit, De Biazi është pranë zyrtarizimit te Azerbajxhani. Kombëtare kjo e cila po kalon një revolucion në përgjithësi, pas asaj humbje me rezultatin 4-0 që mori ndaj Kosovës, duke ngelur jashtë Europianit nëpërmjet “Ligës së Kombeve”.
Ditët në vazhdim do të jenë ato më vendimtaret, ndërkohë që nuk përjashtohet edhe mundësia e Lacios për teknikun italian, ndërsa Inzagit i lëkundet gjithmonë e më tepër stoli. /Shqiperia.ch/