Bastien Toma është futbollisti shqiptar më i talentuar në Zvicër, teksa aftësitë që ky njeri zotëron, janë vërtet të mëdha.
Pasimet e tij gjeniale të kryera në këtë sezon, që zakonisht janë finalizuar nga Lenjani, kanë bërë xhiron e rrjeteve sociale pasi i ngjasojnë atyre të Ksavit. Sipas informacioneve ekskluzive pranë “Shqiperia.ch”, është mësuar e publikuar prej ditësh fakti se Alban Bushi ka udhëtuar në Zvicër për këtë futbollist. Ai e ka takuar më nga afër Tomën, së bashku me babain e tij, për t’i treguar dëshirën që kuqezinjtë kanë për ta afruar në Kombëtare.
Megjithatë, mesfushori 19-vjeçar nuk ka vendosur asgjë në lidhje me Kombëtaren, e vendimi pritet të merret në vitin e ardhshëm. Për momentin Toma po i gëzohet momentit në Zvicër, duke qenë futbollisti më i komentuar. Së fundmi ai ka fituar çmimin e golit më të bukur për muajin në nëntor, pas asaj kryevepre të realizuar ndaj Thunit. /Shqiperia.ch/
? La superbe frappe en lucarne de Bastien Toma face au @fcthun_official fait partie des trois nominés au titre de plus beau but du mois de novembre en Raiffeisen Super League ! Votez pour le jeune valaisan dès maintenant ? https://t.co/KiZL5C7yG1 ⚪️?#FCSion #HopSion pic.twitter.com/OU1svCemnx
— FC Sion (@FCSion) December 4, 2018