“Nuk pranoj lojtarë që na shohin si një mundësi e dytë. Unë dua vetëm lojtarë që kanë dëshirë me çdo kusht të luajnë për Kosovën”. Kështu shprehej Shaland disa kohë më parë, ndërsa me kalimin e muajve edhe mënyra e të menduarit rreth kësaj teme ka ndryshuar rrenjësisht.
Tashmë është vetë tekniku i Kosovës, ai që fton lojtarë që dardanët i shohin si mundësi të dytë. Në një intervistë dhënë për “Sporti në KTV”, Shaland do të shprehej se Hadërgjonaj duhej t’i bashkohej përfaqësueses së tij, pasi Zvicra nuk ka hapësira për të.
“Hadërgjonaj duhet të na bashkohet ne.Te Zvicra nuk ka shumë hapësira në pozicionin ku ai luan, prandaj lojtari duhet t’i braktistë helvetët për të na u bashkuar ne”, shprehet Shaland. Brenda pak kohësh, dy qëndrime të ndryshme rreth një teme të caktuar. Megjithatë, në të gjithën këtë ajo që zvicerani duhet të kuptohet, është fakti se për momentin Kosova duhet të pranojë lojtarë me shumë cilësi, pavarësisht dëshirave të tyre fillestare si në rastin e Hadërgjonaj, luksi i përzgjedhjes nuk është fituar ende. /Shqiperia.ch/