Në vitin 2012 De Biazi afroi në ekipin kombëtar një sulmues shtatlart, tipik ai që duhet para portës e me aftësi finalizuese. Edgar Çani luante në kampionatin polak me ekipin e Varshavës. Atë sezon gjirokastriti realizoi 11 gola dhe në Kombëtare shihej si bombëeri i cili mund t’i zinte vendin Bogdanit apo edhe shkodranit Salihi. Shënoi vetëm një gol atë vit ndërsa në Kualifikueset e Botërorit Brazil2014 realizoi dy rrjeta në tetë ndeshje. Shumë pak për një sulmes nga i cili pritej shumë.
Çani erdhi sërish në Shqipëri, këtë herë tek ekipi i Partizanit në sezonin ekaluar. Shihej si “dështim” nga tifozët por skuadra e kuqe i dhuroi besim. Fundi ishte ai që pritej. Sulmuesi u dëbua nga Tirana për shkak të paraqitjeve të dobta që ofroi. I dashuruar pas Italisë, Çani shkoi e firmosi me një ekip të Serisë D duke përfunduar në rangun më të ulët të kampionatit fqinj. Ndeshjen e parë e nisi me dy gola. Një kampionat “lagjesh” i cili nuk kërkon shumë mund për të shënuar. Në Itali 29 vjeçari gjen vetveten, ose është një sulmes i kalibrit të ulët për ekipe të vogla. Megjithatë Çani vijonë të bëj zhurmë sapo del nga kufijri shqiptar./Shqipëria.ch/