Lacio do të luajë ndaj Apollon në “Europa League” gjatë ditës së sotme, në një takim që ka pak për të diskutuar. Kjo përshkak se gjithçka është mbylllur në llogari, me lacialët që kanë siguruar përpara kohe kualifikimin e mëtejshëm.
Për këtë arsye Inzaghi ka lënë jashtë shumë prej titullarëve të tij, mes tyre edhe Thomas Strakoshën. Ky i fundit ka përfunduar në tribunë, për t’i lënë vendin e portës Protos. Megjithatë ajo që ka bërë më tepër përshtypje, ishte grumbullimi me skuadrën i portierit tjetër shqiptar, Marko Alia.
I ardhur nga Primavera e Lacios, Alia do të ketë kënaqësinë në ndeshjen e sotme, të jetë portieri i dytë i Lacios. Mbetet të shihet nëse mund të ketë edhe ndonjë minutë aktivizimi për të, por në skuadrën e madhe italiane, gjenden dy portierë të prespektivës. /Shqiperia.ch/