Në botë nuk kemi vetëm futboll, por edhe sporte të tjera që kryejnë aktivitetin e tyre për të kënaqur publikun. Ndër to është edhe “Wrestling”, një sport popullor dhe i njohur në Shqipëri.
Një lajm i hidhur vjen nga ringu i saj, ku mbrëmjen e djeshme, një prej sportistëve ka humbur jetën. Ai është pikërisht 51 vjeçari Çezar Gonzales. Meksikani po ndeshej me kolegun e tij Uarior Jauth, teksa është shtrirë në tapetin e ringut të “Wresling”, duke humbur ndjenjat.
Në fillim, kundërshtari i tij nuk e kuptoi se kjo ishte një gjë serioze për 51-vjeçarin, i cili nuk po jepte shenja jete, ndërkoh që Jauth po festonte fitoren që kishte marrë.
Këtë gjendje shëndetësore të ylit të njohur të këtij sporti, e kuptoi vetëm gjyqtari i sfidës, ku menjëherë bëri të mundur që mjekët të ngjiteshin në ring për t’i dhënë ndihmën e shpejtë. Uniformat e bardha bënë të pamundurën për ta kthyer meksikanin në gjendjen fizike optimale, por sipas informacioneve, Gonzales ndërroi jetë rrugës për në spital. Për këtë tragjedi, mjekët konstatuan se shkaktar u bë një infrakt kardiak që pësoi 51 vjeçari meksikan./Shqiperia.ch/