Tashmë është i ditur fakti se Meritan Shabani është pjesë e Bayernit të Mynihut në sfidën e sotme që kanë gjigandët gjerman kundër Benfikës së Lisbonës. Kjo përballje është e vlefshme për sfidat e grupeve të kompeticionit “Champions League”, teksa skuadra bavareze synon fitoren për ta mbyllur si kokë e grupit.
Mesfushori me origjinë shqiptare duket se tashmë është në planet e trajnerit kroat të Bayernit, Niko Kovaç. Kohët e fundit, numri një i pankinës bavareze ka marrë shumë kritika për rezultatet negative që ka arritur. Duket se tashmë tek Bayerni mund të jetë momenti i duhur për ndryshim, pasi 19 vjeçari shqiptar është cilësuar si e ardhmja e ekipit.
Kjo mund të jetë mundësia më e mirë e Meritan Shabanit për të bërë debutimin e tij në kompeticionin më madhor në rang klubesh. Ajo çka vihet re është se kjo është hera e dytë që talenti me origjinë shqiptare grumbullohet nga Niko Kovaç me skuadrën e parë të Bayernit të Mynihut. /Shqiperia.ch/