Takimi mes Shqipërisë dhe Skocisë, padyshim që mund të cilësohet si më i pazakonti, sa i përket takimeve të zhvilluara në këtë grup të “Ligës së Kombeve” deri tani.
Kjo pasi të dyja Kombëtaret shohin sesi grupi i futbollistëve të tyre po përgjysmohet, nga dëmtimet që po kalojnë lojtarët gjatë këtyre kohëve. Skocia vjen thuajse e përgjysmuar në Shkodër, por në një gjëndje më të mirë, nuk është se ndodhet Shqipëria.
Këtë herë është rradha e Emanuele Ndojit për t’i thënë “JO” kësaj sfide. Sipas asaj që raporton “Sport Ekspres”, mesfushori shqiptar e ka thuajse të pamundur të jetë i gatshëm për takimin e nesërm, pas shqetësimeve që nuk po e lënë të stërvitet rregullisht me pjesën tjetër. /Shqiperia.ch/