Një ndërhyrje horror ka ardhur në miqësoren e djeshme mes Liverpulit dhe Seviljës, atje ku lojtari i spanjollëve, Gnagnon, ka rrezikuar seriosht shëndetin e talentit 18-vjeçar, Larouci. Topi ishte i fundit që kërkohej në atë rast, ndërsa gjithë goditja erdhi në këmbën e kundërshtarit.
Trajneri i Liverpulit, Klop, menjëherë ka shkuar për të komunikuar me teknikun e Seviljës në fundin e ndeshjes. Shumë është folur mbi këtë episod të shëmtuar që nuk i ka hije një miqësore dhe futbollit, megjithëse vetë tekniku kursehet ndaj mediave:
“Unë do të krijoja tituj lajmesh nëse shpreh gjërat që po mendoj rreth kësaj situate. Lojtari ynë ishte pak me fat pasi nuk duket të ketë marrë një dëmtim shumë të rëndë, por duhet të presim ende. Sfida këtu është që të fitosh topin, këto janë rregullat e futbollit. Nuk dua të them diçka më shumë specifike, pa tituj”, ka thënë Klop. /Shqiperia.ch/