Një mungesë e madhe do të jetë ajo e Bersant Celinës te Kosova për takimet e nëntorit. Flasim për futbollistin më në formë të dardanëve, teksa me Swansea është kthyer në yllin e skuadrës në “Championship”.
Do të ishte vetë Shaland, ai që do të konfirmonte mungesën e rëndësishme, pasi mesfushori shqiptar ka ndierë shqetësime dhe është i dëmtuar. Klubi anglez ka konfirmuar shkallën e dëmtimit të tij, ndërsa Celina nuk mund t’i bashkohet Kosovës për takimet ndaj Maltës apo Azerbajxhanit.
“Më kanë kontaktuar drejtuesit e klubit të Swanseat për të më treguar dëmtimin e Celinës. Ai nuk mund të luajë me ne këtë herë dhe unë nuk shoh ndonjë lojtar tjetër më karakteristikat e tij për ta grumbulluar. Pra nuk do të marrë një tjetër lojtar në grumbullim thjeshtë sa për numër”, u shpreh Shaland. /Shqiperia.ch/