Tashmë e kanë tepruar, me gjithë kuptimin e plotë të fjalës. Kjo nuk duhet të jetë sjellja e një media të huaj prestigjoze si “The Sun”, e cila kthen në një objekt bisede gjestin e shqiponjës.
Shqipëria festonte 106 vjetorin, ndërsa një nga bijtë e saj, Granit Xhaka bën një simbol përshëndetës për këtë ditë të shënuar. Asgjë më shumë sesa kaq, por edhe për mediat britanike mjafton fatkeqësisht. Nëse një gjë e tillë do të pasqyrohej vetëm nga mediat serbe, ashtu siç edhe ndodh rëndomtë, një gjë e tillë është mëse e pritshme.
Por në këtë mënyrë, për të mbërritur edhe përtej Serbisë një trajtim i tillë, është thjeshtë e pakuptueshme. Nuk mundet që nëpër stadiume të ndryshme europiane të këndohet për vdekjen e shqiptarëve dhe asnjë vendim të mos merret, ndërsa sapo bëhet shqiponja nga ana e lojtarëve tanë, nisin debatet për dënimin e tyre.
Më së paku, duhet të ndiqet i njëjti standard. “The Sun” shkruan në artikullin e saj se pas simbolit që Xhaka bëri me gruan e tij për festën e Shqipërisë, tashmë duhet të bëhet gati për pasoja. E përse duhet të ketë pasoja një gjë e tillë? Pikërisht këtu duhet të jemi ne ata që duhet të ngremë zërin, për të treguar se nuk mund të shkelemi me këmbë ashtu siç të tjerë mendojnë dhe u intereson. Shqipëtarët janë ata që bota duhet t’i njohë si populli më i lashtë, ndërsa shqiponja është simboli ynë kombëtar. E nëse të tregosh prejardhjen është një gjë e dënueshme, atëherë dikush është duke gabuar rëndë dhe këta nuk jemi ne. /Shqiperia.ch/