Argjentina arriti të fitonte ndaj Kilit me rezultatin 2-1, në finalen e vogël të Kupës së Amerikës. Lionel Mesi u ndëshkua me karton të kuq pas grindjes me Medel, ndërsa në fund refuzoi të merrte medaljen.
Ylli i Barcelonës u shpreh se ndëshkimi me karton të kuq erdhi pasi kishte folur rreth korrupsionit në organizmat drejtues, ku nuk ngurroi ta përsëris: “Nuk e morra çmimin, se nuk doja të jem pjesë e këtij korrupsioni. Nuk na lanë në finale. Unë them gjithmonë të vërtetën. Në rastin me Medel, zgjidhej me një karton të verdhë. Mora të kuq për fjalët që kisha thënë mê herët”, u shpreh Mesi. /Shqiperia.ch/