Duket se akoma nuk kanë kaluar vështirësitë për mbrojtësin shqiptar të Napolit, Elseid Hysaj. Me ardhjen e trajnerit italian Ançeloti, duket se gjerat kanë ndryshuar për Elseidin, pasi hapësirat për lojtarin gjithmonë e më shumë po bëhen më të vogla.
Kujtojmë që në sfidën e ditës së djeshme që pati skuadra e Napolit në “Chamions League”, mbrojtësi kuqezi e nisi këtë sfidë nga stoli, teksa u aktivizua në fillimin e pjesës së dytë. Mesa duket Elseid Hysaj nuk po arrin dot të përshtatet me filozofinë e trajnerit të ri të napoletanëve, Ançeloti. Ditën e sotme menaxheri i Hysajt, ka dhënë një deklaratë për lojtarin shqiptar, teksa shprehet se shumë shpejt mbrojtësi do të kthehet në nivelin e lartë në fushën e blertë. Gjithashtu ai thekson se Elseidit i duhet pak kohë për t’u përshtatur me Ançelotin, pasi gjatë gjithë karrierës së tij ka qënë nën urdhërat e Sarrit.
“Të gjithë e njohin se sa vlen Elseidi. Një moment i tillë ndodh tek kushdo, por të jeni të bindur se do të jetë e shkurtër koha që do ta shihni sërish në nivele të jashtëzakonshme. Hysaj po vuan një përshtatje me filozofinë e lojës së Ançelotit, pasi pothuajse gjatë gjithë karrierës së tij ka qënë nën urdhrat e Sarrit. Gjithashtu kam biseduar edhe me babain e tij dhe është i kënaqur me Hysajn dhe të gjithë i dimë vlerat e shqiptarit”, u shpreh Giuffredi, menaxheri i Hysajt. /Shqiperia.ch/