Alban Meha po kap formën e dikurshme në Gjermani, megjithëse nuk flasim për të njëjtat nivele. Më parë, mesfushori shqiptar magjepste “Bundesligën” me Paderbornin, falë golave që realizonte gjatë goditjeve të dënimit, ndërsa këtë gjë e përsërit në ligat më të ulëta.
Me ekipin e Elversbergut, Meha ka bërë për vete tifozët në pak kohë, teksa ka shënuar në dy ndeshje radhazi nga goditje e dënimit. Historia e njëjtë, e pamundur duket dhe në fundin e rrjetës të dërgohet topi.
Një humbje në derbi uli disi entuziazmin e ekipit të Elversbergut, që ka shfryrë në ndeshjen e Kupës ndaj FC Nosëendel Wadern me rezultatin 11-0.
Përpara 500 spektatorëve, skuadra e Mehës ishte e pakursyer ndaj kundërshtarit. Por edhe futbollisti shqiptar gjithashtu, teksa mesfushori shënoi në minutën e 14, 32, 43, 54, duke përmbyllur një ndeshje të Elversbergut, që më mirë mund të cilësohet si…stërvitje! /Shqiperia.ch/