Një marrëdhënie e pakuptueshme duket ajo mes Grezdës dhe Gerrard. Dy golat që shënoi futbollisti shqiptar në ndeshjen e fundit përpara se të vinte në Shqipëri, dukej se mbyllën kapitullin e vjetër, e qëndrimit në stol, ndërsa një i ri kërkohej të hapej.
Pas dy ndeshjeve të zhvilluara me Kombëtaren, futbollisti shqiptar rikthehet në skuadrën e tij për t’ia nisur nga zero. Sërish në pankinë dhe asnjë minutë aktivizimi për të. Fillimisht në kampionat, atje ku ekipi skocez do të fitonte me rezultatin 3-0 ndaj Livingstonit.
E për të kaluar në takimin e “Europa League”, teksa në barazimin ndaj Vijarealit pa gola, për Grezdën nuk pati asnjë minutë të vetme. Duket disi e pakuptueshme, pasi lojtari shqiptar ka kapur formën më të mirë, gjithsesi Gerrard është treguar shumë spektikë, duke preferuar ta mbajë në stol. Më parë ishte dëmtimi që e penalizonte, po tani çfarë historie fshihet? /Shqiperia.ch/