Grinta dhe loja e tij luftarake, është padyshim cilësia që lehtësisht dallohet te Taulant Xhaka. Përveçse një lojtar me cilësi të mëdha, që gjithmonë i shërben skuadrës së tij në mënyrën më të mirë, mesfushori shqiptar shndërrohet edhe në një idhull për tifozët me atë që paraqet në fushën e lojës.
Në një intervistë të gjatë për mediat zvicerane, drejtori sportiv i Bazelit dhe njëkohsisht një nga sulmuesit më të mirë që ka pasur kjo skuadër, Marko Streller, ka folur për Xhakën, duke e parë atë si një kapiten në fushë.
“Një nga liderët aktual sigurisht që është Fabian Frei. Megjithatë, duke parë fushën e lojës, për mua shiriti mund t’i kalonte Taulant Xhakës, pastaj kemi edhe Luka Zufin apo Serei Die. Edhe Wolfswinkel mund t’i shkonte përshtat shiriti, por ajo që duhet të bëjmë me patjetër në këtë moment, është të marrim përgjegjësitë.
Kemi pasur dy talentet e shekullit te Bazeli, Xherdan Shaqirin dhe Granit Xhakën dhe nuk kemi fituar thuajse asgjë. Tashmë duhet të punojmë fortë, për të marrë përgjegjësitë e duhura”, shprehet Streller. /Shqiperia.ch/