Atëherë, kush ka dyshime ende te shqiptarët dhe i kategorizon në të njëjtin nivel, si njerëz që kërkojnë të përfitojnë sa më shumë në kurriz të tjetrit? Dru të shtrembër ekzistojnë në gjithë botën, pavarësisht se në Shqipëri janë ata që komandojnë shpeshherë, por edhe ne kemi disa shembuj me të cilët japim leksione.
Ky është rasti më i mirë edhe i një të riu shqiptar, që ka marrë vëmendjen dhe është përgëzuar gjatë nga tifozët e Uellsit. Një prej faqeve që i kushtohet kësaj Kombëtare, “FSFWalesfanemb”, bën të ditur se një tifoz i Uellsit e kishte humbur portofolin në Shqipëri, ndërsa atje kishte pasur gjithçka.
Nga bileta e kthimit për në vendin e tij, e deri të paratë, që kurrsesi nuk e tunduan të riun shqiptar. Emri i tij nuk bëhet i ditur, por ai i ka rikthyer tifozit të Uellsit portofolin e tij me gjithçka kishte brenda, pa prekur asgjë. Komentet e miqëve sigurisht që ishin shumë pozitive, duke përgëzuar personin në fjalë dhe duke u larguar me përshtypje të mirë nga Shqipëria. /Shqiperia.ch/