Në “Championship” po zhvillohet java e dytë e kampionatit, atje ku Lidsi është përballur ndaj Notingham Forestit. Rezultati u mbërthye në shfrat 1-1, ndërsa Arijanet Muriqi është zgjedhur sërish si titullar nga trajneri i tij.
Pas dy gafave të bëra në takimin e parë, dyshimet ishin të mëdha nëse gardiani shqiptar do të luante nga minuta e parë. Këtë herë Muriqi do të pësonte vetëm një gol në transfertë, por pa arritur të bind plotësisht.
Gardiani në fjalë duhet të përmirësohet më shumë me daljet e pastudiuara që bën dhe që e rrezikon aq shumë Notingham Forestin. Madje do të kishte edhe gjithë fatin me vete, pasi Lidsi goditi traversën dhe “flirtoi” aq shumë me golat e tjerë.
Për të mbërritur te goli i Notingham Forestit, që më mirë mund të cilësohet si i paqëllimshëm. Gjuajtja do të përplasej në trupin e një prej lojtarëve të Notinghamit që u përpoq me gjithçka për ta shtyrë topin në rrjetë, por pa ia arritur. Gjithsesi sfera do të përfundonte vetë brenda rrjetës, me devijimin që erdhi në mënyrë krejtësisht rastësore. /Shqiperia.ch/