Marash Kumbulla po bëhet gati për të hedhur hapin e madh në karrierën e tij. I formuar në të rinjtë e Veronës, të pakëta kanë qënë hapësirat që ka pasur ky mbrojtës kur skuadra në fjalë ishte pjesë e Serisë B në sezonin e shkuar.
Por rritja ka ardhur gradualisht dhe Kumbulla po shkëlqen në fushën e lojës. Ai i ka bërë përshtypje të gjithë mediave italiane, pasi trajneri Ivan Juriç po e aktivizon shpeshherë si titullar në qendrën e mbrojtjes. Madje në shtator ka shumë gjasa që të ketë edhe një ftesë nga Kombëtarja A e Shqipërisë.
Trajneri i Veronës ka vendosur që t’i besoj të rinjëve këtë herë dhe nuk kërkon të shpenzoj në merkaton e verës. Për këtë arsye i është dhënë besim edhe Kumbullës: “Me mua luan kush e meriton. Unë nuk i shoh kartat e identitetit”, ka thënë Juriç. /Shqiperia.ch/