Bastien Toma ka qënë një nga futbollistët shqiptarë më të mirë në Zvicër, duke bërë një jehonë të madhe me nivelin që ka treguar në kampionatin helvet me Sionin. I njohur ndryshe edhe me nofkën ”i magjishmi” Toma, ky lojtar ka marrë zyrtarisht edhe interesimin e Kosovës dhe Shqipërisë.
Madje që në vitin e shkuar ka pasur kontakte direkte të Federatave respektive me familjarët e këtij lojtari. Por ata do të shpreheshin se Toma do e mendonte dhe kërkonte kohë për dhënë përgjijgjen, duke ia lënë gjithçka vitit 2019.
Zhgënjimi i parë ka ardhur për mesfushorin e Sionit, që dukshëm e pret ftesën e Zvicrës A. Toma është pjesë e U-21 të kësaj Kombëtare, por e gjitha kjo shtyrje kaq e gjatë në kohë e kishte një qëllim. Gjithsesi Petkoviç nuk ka bërë asnjë surprizë në listën për dy takimet e qershorit. Tani pritet që Toma të marrë vendimin për të zgjedhur mes Shqipërisë dhe Kosovës, pa përjashtuar gjasat e një tjetër hezitimi në shtator për të parë reagimin e Zvicrës. /Shqiperia.ch/