Një humbje e turpshme ishte ajo e Atalantës këtë javë, teksa mundej me rezultatin 3-2 nga Empoli. Këta të fundit vinin pas disa rezultateve zhgënjyese, teksa gjendeshin edhe duke humbur me rezultatin 0-2 nga ekipi i Bergamos.
Megjithatë, loja përfundon kur arbitri vërshëllen dhe ky është një rregull bazik i futbollit. Këtë nuk arriti të respektonte skuadra e Gjimshitit dhe Berishës, për t’u ndëshkuar në atë mënyrë të turpshme. Reagimet kanë qenë të shumta, edhe nga vetë tifozët e Atalantës që kurrsesi nuk mund ta kapërdinin një humbje të tillë.
Në këto kushte, Etrit Berisha është ndër të paktët futbollistë që i ka shpëtuar katastrofës së Atalantës me vlerësimet nga mediat italiane. Nëse marrim për bazë thuajse të gjitha vlerësimet që i janë bërë portierit shqiptar, janë më të lartat se çdo futbollist tjetër. /Shqiperia.ch/
