Fiorin Durmishaj u tansferua në mënyrë të bujshme te ekpi I Olimpiakos-it, pak kohë pasi sulmuesi hoqi dorë nga Kombëtarja kuq e zi për t’iu bashkuar asaj helene. Por duket se historia tashmë ka marrë rrjedhë tjetër, pasi mësohet se 22 veçari është jashtë planeve të kryeqytetasve.
Mediat greke raportojnë se trajneri Pedro Martins e ka lënë lojtarin jashtë listës së ndeshjes së vlefshme për Ligën e Kampionëve kundër ekipit të Bashakshehir-it. Nisur nga hera e fundit, trajneri portugez ka bërë 3 ndryshime në listë duke ia besuar vendin e Durmishajt, lojtarit që sapo u është bashkuar ekipit të Pireut, Hilal Sudan. Me sa duket “karma” ka nisur të veprojë edhe mbi ish-lojtarin e Shpresave të Shqipërisë, duke iu pergjigjur me të njëjtën monedhë që ai i dha kuqezinjve.
Tashmë përflitet se ka një thyerje të marrëdhënies mes sulmuesit me origjinë shqiptare dhe Olimpiakosit, ku nuk mund të përjashtohet edhe një huazim. Po tani, me prerjen në besë, si ndihesh Durmishaj? /Shqiperia.ch/