Ditën e sotme Shqipëria luan sfidën e saj të fundit për vitin 2018, teksa do të ndeshet në miqësoren e palnifikuar në “Elbasan Arena” kundër skuadrës së Uellsit. Kjo përballje është një test i frotë për djemtë e Panuçit pasi kundërshtari është tepër i fortë, në krahasim me Shqipërinë.
Pak çaste më parë Federata Shqiptare e Futbollit, ka lajmëruar se në këtë sfidë nga futbollistët e grumbulluar do të mungojë 21 vjeçari, Rei Manaj. Mesa duket dhimbjet e kokës për Panuçin vazhdojnë akoma, pasi ditën e sotme sulmuesi i kuqezinjve, Manaj, ka braktisur grumbullimin e Kombëtares pasi nuk po kalon një gjëndje të mirë fizike.
Në këtë informacion nuk flitet për një dëmtim të lojtarit, por sulmuesi i Albacetes është detyruar të lërë Kombëtaren për shkak të gjëndjes gripale që po kalon. Sikur të mos kishin fund telashet për italianin Panuçi, teksa tashmë në ditën e sotme do të bëjë llogaritë edhe pa Rei Manaj, që në sfidën me Skocinë ishte titullar. /Shqiperia.ch/