Natyrisht që kualifikimi i Kosovës në raundin pasardhës të Ligës së Kombeve, nuk do të kalonte pa u vënë re në arenën ndërkombëtare. Ashtu si skuadra dardanase, gjithashtu ka tërhequr vëmëndje edhe një nga lojtarët kryesor të këtij ekipi, siç është Arbër Zeneli.

Sulmuesi dardanas në sfidën e fundit të Kosovës, atë kundër Azerbajxhanit dhuroi një paraqitje të shkëlqyer, teksa arriti të shënojë tre gola në fitoren e dardanasve me rezultatin e thellë 4-0. Ky triumf ka bërë të mundur edhe sigurimin e përfaqësueses së Kosovës në fazën pasardhëse.

Me këtë tripletë, pas Zenelit tashmë janë vënë katër skuadra të mëdha europiane. Sipas raportimeve të medias shqiptare në Kosovë, “KTV”, raportohet se pas sulmuesit 23 vjeçar, janë vënë pas skuadrat e Fiorentinës, Fenerbaçes, PSV-së dhe Ajaksit. /Shqiperia.ch/

Nëse e vlerësoni punën e “Shqiperia.ch” si media e vetme e përkushtuar me lojtarët e Kombëtares dhe sportistët shqiptarë, mund të kontribuoni për zgjerimin e projektit dhe vazhdimësinë tonë në të ardhmen.