Rezultate aspak të mira ishin ato që Panuçi mori me Shqipërinë në “Ligën e Kombeve”, por në një Kombëtare që kërkon të ndërrojë brezat, një formë e tillë është e kuptueshme.
Në saj të këtyre rezultateve, mediat sportive nisën të publikonin edhe emrat e parë të teknikëve që pritej të zëvendësonin Panuçin. Asgjë nuk është e vërtetë, FSHF ka njoftuar opinionin dhe tifozët shqiptarë se Panuçi do të vijojë të jetë pjesë e Shqipërisë edhe në kualifikueset e Europianit 2020, për të shuar të gjitha dyshimet.
Njoftimi
Nisur nga disa spekulime dhe lajme abuzive që kanë qarkulluar në disa media orët e fundit, Federata Shqiptare e Futbollin dëshiron t’iu informojë se nuk është aspak e vërtetë që jemi në kërkim të një trajneri të ri për Kombëtaren Shqiptare të Futbollit.
FSHF është duke punuar dhe bashkëpunuar maksimalisht me trajnerin Panucci për të arritur rezultate sa më të larta në kualifikueset për Kampionatin Europian 2020.