PSV-Basel ishte ndeshja më e bukur që kishte dhuruar shorti për turin e dytë të “Champions League”. Pritshmëritë u përmbushën pasi spektakël dhe gola kishte përgjatë 90 minutave. Vendasit kaluan të parët në avantazh, por zviceranët e përmbysën përkohësisht rezultatin.
Për të mbërritur edhe te perla e Malen në sekondat e fundit, që e gjeti rrjetën me një finte nga afër zonës duke i dërguar shifrat në 3-2 për PSV. Sa i përket lojtarëve shqiptarë, ashtu siç kemi raportuar edhe më herët, Taulant Xhaka është kthyer si mbrojtës krahu.
Pikërisht në rolin ku do e gjente De Biazi, me këtë të fundit që e transformoi në mesfushor të mirfilltë. Ndërsa Edon Zhegrova ishte i grumbulluar nga trajneri në listën fillestare, por përfundoi në tribunë me vendimin e fundit të Koller. /Shqiperia.ch/