Jo gjithmonë futbolli mund të bashkojë, të paktën kjo nuk mund të ndodhë në burg. Në vendin me rregullat më të larta të sigurisë, sporti i futbollit është luajtur me rregullat e rrugës gjatë ndeshjes mes Shqipërisë dhe Tunizisë.
Sipas asaj që raportojnë mediat italiane, gjithçka ka ndodhur gjatë takimit të zhvilluar në 3 mars në burgun e Riminit në Itali. Teksa Shqipëria ishte duke u ndeshur me Tunizinë, ka pasur edhe një moment shpërthimi dhe konfrotimi fizik.
Tunizianët nuk e pëlqyen mënyrën sesi një shqiptar 26-vjeçar kishte ndërhyrë për të marrë topin, me 2 prej tyre që e kanë goditur në fytyrë disa herë. Mosha e të burgosurve tunizianë që nisën dhunën ishte 31 dhe 27 vjeç, ndërsa menjëherë në ndihmë të shqiptarit ka ardhur një bashkëkombas i tij, 33-vjeçar.
Sigurisht, pa ia dalë dot pasi e menjëhershme ishte ndërhyrja e forcave të sigurisë, që menjëherë kanë shuar gjakrat, duke marrë rolin e arbitrit. Ndërkohë që pas gjithë asaj që ndodhi, i burgosuri shqiptar 26-vjeçar ka përfunduar në spital me fraktura të rënda në hundë. /Shqiperia.ch/