Kampionati u duk se nisi në mënyrën më të mirë për Arisin, që me dy transferimin e dy futbollistëve të Shqipërisë në ekip, po arrinte rezultate të mira. E megjithatë nuk kaluan shumë javë, për të mbërritur në një krizë rezultatesh, ndërsa vetë tifozët nuk janë të kënaqur nga skuadra e tij.
AEK e ka shkatërruar Arisin në takimin e fundit, duke e mundur me rezultatin 4-0. Dyshja e mbrojtjes do të përbëhej nga Mavraj dhe Basha, me këtë të fundit që ishte i improvizuar në këtë pozicion. Tashmë ekipi i Arisit hedh vështrimin përpara, ndërsa takimi i radhës do të jetë në Kupë.
Në futbollistët e thirruar nga ana e trajnerit Errera, Mavraj nuk figuron në listën e futbollistëve të thirrur në Kupë, kjo pasi flitet dhe për një kundërshtar të lehtë në letër. E megjithatë, vetë mbrojtësi kuqezi, në një intervistë dhënë pas disfatës me AEK, do të shprehej se shumë gjëra jashtë fushës së blertë, e pengojnë futbollin në Greqi.
“Me AEK-un goli i dytë na dëshpëroi sepse ishte i padrejtë. Kampionatin grek e penalizojnë shumë gjëra jashtë futbollit, ato anësore. Kjo është një sfidë e madhe, një eksperiencë dhe aventurë e re për mua. Janë disa gjëra ndryshe nga vendet e tjera, por përderisa jam këtu e kam pranuar këtë kampionat për të treguar veten time”, shprehet Mavraj. /Shqiperia.ch/