Myrto Uzuni, ky është emri që jo për gjithkënd mund të jetë i njohur aktualisht, por kjo nuk do të zgjas shumë gjatë.
Futbollisti 23-vjeçar është padyshim një “minierë ari” e dalë nga Superiorja, teksa nga Laçi është transferuar në ekipin kroat të Lokomotivo Zagreb. Marrëveshja është mbyllur në orët e fundit të merkatos. Transferimi u krye për shifrën e 350 mijë eurove, ndërsa klubi kurbinas do të mbaj edhe 20% të kartonit.
Vlera e tij fillestare ishte 200 mijë euro, dëshira e ekipit kroat për të marrë shërbimet e talentit shqiptar ishte e hershme, por pas golit që ai shënoj kundër Anorthosis, bisedimet ngecën për pak kohë. Tashmë gjithçka është e mbyllur, ndërsa Uzuni sheh sesi brenda pak vitesh, ka arritur të ngjis shumë shkallë, nga Tomorri ku u formua për të shkuar te Lokomotiva e Zagrebit.
Myrto Uzuni ka luajtur edhe me Shpresat, por nëse karriera e tij vazhdon në këto ritme, athëherë do të jetë çështje kohe ftesa për të nga Panuçi. /Shqipëria.ch/