Erion Bogdani ka folur për një nga mediat e Fiorentinës në Itali, për t’i treguar më tepër rreth lojtarëve shqiptarë. I gjithë interesi është normalisht te Marash Kumbulla, futbollistin që e dashurojnë shumë ekipe dhe në mesin e tyre ndodhet edhe Fiorentina. Bogdani ka folur me superlativa për mbrojtësin e Shqipërisë, ndërsa njëkohësisht kujton edhe Erald Laktin, që aktualisht është lënë në huazim te Gubbio, por që mund të rikthehet sërish me ekipin e parë të Fiorentinës.
“Kumbulla e bëri debutimin e tij me mua në ekipin kombëtar. Ai është një mbrojtës i gjatë qendror dhe tani të gjithë e njohin, është një lojtar që ka djegur të gjitha fazat e mundshme. Po luan vërtet mirë edhe pse nuk e ka bërë kurrë debutimin e tij në Serie B dhe po vepron sikur të ishte veteran. Parashikon mirë kundërshtarët e tij, është shumë i mirë me kokë dhe ai gjithashtu ka shënuar.
Ende një djalë i ri dhe për mendimin tim, po bën shumë mirë. Edhe kur gjeti sulmues të fortë i përmbante ata dhe në fakt provoi të ishte një shtyllë e kësaj Verona që është e mahnitshme për të gjithë. Është një investim shumë i mirë, unë nuk mund të jap një shifër, por nëse ka shumë klube të interesuar kjo vjen sepse tregoi aq shumë gjëra të mira dhe atëherë mosha që ka flet për të.
Bazuar në ndeshjet që kam parë dhe që ka bërë me mua, mund të them që Kumbulla mund të duket i ngadaltë, por mund ta lexojë aksionin shumë mirë dhe parashikon edhe lojtarët më të shpejtë, të cilët këtë vit nuk e kanë vënë kurrë në vështirësi. Ka trurin e një veterani: lexon mirë veprimin dhe mbërrin gjithmonë para të tjerëve.
Rrahmani ka qenë edhe me ne në ekipin kombëtar, por më pas zgjodhi Kosovën. Po dëshmon, në Itali, të jetë një lojtar i shkëlqyer për kampionatin. Një emër tjetër është Milot Rashica, ai gjithashtu luan me Kosovën, mund të luajë si majtas ashtu edhe djathtas dhe po bën vërtet mirë në Gjermani.
Kemi edhe Laktin, e mbaj mend, nuk e di si është tani, por Lakti gjithashtu ka shanse të mira për të luajtur në Serie A. Luajti në të gjithë sektorin e të rinjve te Fiorentina, ishte kapiten i Primavera. Nuk mund t’ju them se kur, por e di që është një lojtar që do të vijë sepse është funksional. Mund të luajë kudo në një mesfushë me tre: nga pas sulmuesit, te mesfushori para mbrojtjes. Nuk e di se cilat janë planet e Fiorentinës për vitin e ardhshëm, por Lakti duke qenë një lojtar i Fiorentinas, një ditë ai do të jetë në gjendje të luajë në Serie A”, tha Bogdani.