Kosova do të luajë në transfertën e sotme përballë Bullgarisë, në ndeshjen e vlefshme për kualifikueset e Europianit. Për shumëkënd vendasit shihen si favoritët kryesorë për të fituar këtë takim.
Megjithatë këtu nuk flitet për ndonjë parashikim të saktë në bazë llogjike. Mjafton të bëjmë një kërkim shumë të thjeshtë në “Transfermarkt”, atje ku shihen vlerat e të gjithë lojtarëve. E gjithë Bullgaria me futbollistët e saj, kushton në total 17.9 milionë euro.
Atëherë, po Kosova sa kushton? Nuk duhet të mundohemi dhe të shkojmë shumë larg. Vetëm ylli i Werderit, Milot Rashica, ka vlerën e 20 milionë eurove në treg pas super sezonit të kaluar në “Bundesligë”. Atëherë, si mund të jetë Bullgaria favorite ndaj Kosovës? Tifozët do të jenë një armë shtesë, por derimë sot asnjë sportdashës nuk ka arritur të shënojë gol në portën kundërshtare. /Shqiperia.ch/
